Elizek, burdinolek eta baselizek nahiz txakolinarekin lotutako iraganaren aztarna bitxiek forma ematen diote Busturiko kultura-ondareari. XVIII. mendetik, ugariak ziren parrak herriko bideetan. Harrizko zutabeak ziren, bidearen alde banatan zurezko habeekin eusten zitzaienak, mahatsaren euskarri. Halakorik aurkitu nahi izanez gero, auzoetan barrura sartu beharko duzu, edo Errege Bidearen zati bat egin; bide horretan aurrera egiten zuen, hain zuzen, Ardoaren eta Arrainaren Ibilbideak, Erdi Aroan kosta eta barrualdea lotzen zituenak.