Askorentzat ezezaguna den arren, Busturiko zeramika XX. mendeko Bizkaiko industria-arteen adierazpide bikain eta finenetakoa da. San Mames zeramika-fabrikaren (1842-1862) sorrera garai hartako Euskal Herriko kostaldeak bizi izan zuen industrializazio-boomaren fruitu izan zen. Axpe auzoko teileria zahar baten gainean kokatu zen, Mundakako itsasadarraren ertzean (gaur egun Villa Matilde ‒1903‒ dagoen tokian), eta adreilu eta teilak egiteari utzi, eta objektu hautatuak egiten hasi zen, hala nola loza finak eta portzelanak. Ekialdeko eskulangintza onaren arloko piezekin nahastu zitezkeen hango ekoizpenak, zuten kalitateari begiratuta.